RECIBIMOS CARTA DENDE O INCIO

Desta vez fomos nós os que recibimos carta e esta viña dende Ceip Ricardo Gasset do Incio. Sentamos todos xuntos para abrir o sobre, e era un sobre ben grane, no que viñan unha chea de cousiñas interesantes, coas que as nenas e nenos deste cole se presentan e ademais nos agasallan cuns contiños e libriños que eles elaboraron para festexar as Letras Galegas.
Estes contos e as súas cartas de presentación acompañaránnos nos vindeiros días nas nosas aulas e seguro que con eles os poderemos coñecer moito mellor. Moitas grazas para as nosas amigas e amigos do Incio por estes fermosos traballos.

PARTICIPAMOS NUN PROGRAMA DE RADIO

O luns 29 de maio, tivemos a oportunidade de participar no programa " Hoy por hoy" da Cadena Ser. Un programa en directo emitido dende San Clodio, adicado integramente ao noso concello, Ribas de Sil. Este programa dirixido polo locutor Juan Carlos Rodríguez emitíuse para toda a provincia de Lugo. Todo o alumnado de primaria acudiu ao salón de actos do concello para poder coñecer dende dentro como se fai un programa de radio.
Foi toda unha experiencia, e gustounos moito poder participar ao lado do noso Alcalde, Miguel Angel Sotuela Vega, a deputada de cultura da Diputación de Lugo, Pilar García Porto, o Tenente de alcalde Roberto Castro e Manuel Cao, quen foi parte do noso colexio ata non hai moitos anos como director e tamén profesor xunto á súa dona Pepita, entre outros. Con todos eles compartimos unha xornada moi entretida e na que aprendemos moitas cousiñas interesantes da historia do noso concello e dos plans de presente e tamén do futuro para Ribas de Sil.

LETRAS GALEGAS

No noso cole gústamos moito divertirnos por iso na semana das Letras Galegas nos adicamos a disfrutar do galego a través do teatro e os obradoiros nos que a a partir dun fermoso conto chegamos a aprender a facer pan, e ainda algo máis incrible, a utilizar a masa para crear un cadro cheiño de arte, arte infantil.

CHARLA HIXIENE POSTURAL

Coa axuda de Mª José, unha fisioterapeuta de Quiroga experta no tema, na biblioteca do cole estivemos aprendendo a controlar as posturas do noso corpo, á hora de sentarnos nas cadeiras, levar o peso das nosas mochilas, camiñar pola rúa ou incluso durmir na cama pola noite. Estamos moi agradecidos pola súa xenerosa visita.

DIVERMAXIA CO MAGO PACO

Este venres 28 de abril tivemos a sorte de poder disfrutar dunha actividade de dinamización á lectura a través da maxia mediante historias, contos e xogos. Unha actividade levada a cabo grazas á colaboración coa Biblioteca do Concello de Ribas de Sil. O Mago Paco é un mago moi peculiar que non para de argallar novas maxias para as nenas e nenos, nas que mestura a risa, a lectura de contos e a maxia sorprender aos mais cativos coas súas historias cheas de ledicia.

O PASAPORTE LECTOR

Unha das actividades que se manteñen ao longo do ano en infantil e o servizo de préstamo no que semanalmente cada vernres as nenas e nenos de infantil levan un conto para ler na casa en familia e do que logo trearán feita unha pequena tarefa coa que ao fin de curso se elabora un libro cheiño de páxonas feitas por eles, páxinas que falan dos contos que leron e das cousas que máis lles gustaron destes, un traballo que recolle a súa ledicia e o seu esforzo de todo o ano, que se ve reconpemsado cun pasaporte lector  QUE CONSEGUEN AO REMATAR O CURSO.

A LECTURA E ESCRITURA INFANTIL

Especialmente dedicado á estimunlación da lectura para os nenos de infantil temos o Recanto de Biblioteca, acondicionado cunha estantería cheiña de libros para ver, ler e disfrutar e unha pequeniña Tenda Pirata con coxíns e onde nenas e nenos se poden agochar a disfrutar do seu conto preferido cada día.
Temos tamén o Recanto dos Contos, onde se realizan actividades de lectura de contos, de xogos de lectoescritura, de composición de historias colectivas, contos viaxeiros... deixando que a imaxinación e a creatividade agrome e nos permita desenvolver as nosas habilidades artísticas e/ou literarias. O cal se amosa ao longo do tempo na producción de diversos materiais.
E É QUE PARA NÓS TODO O ANO É O DÍA DO LIBRO, non so o 23 de abril.