Momentos de lecer na biblio do cole

Aproveitando o novo enfoque que se lle está a dar á biblio do noso centro, non soamente un lugar de visita obrigatoria para ir recoller exemplares bibliográficos, senón tamén unha oportunidade para desfrutar na compañía doutros facendo puzzles, xogando ao xadrez, realizando todo tipo de xogos de mesa...

HORTO ESCOLAR PARTE III

O inverno estase a despedir de nós, e é o momento de coller as ferramentas e de volta a plantar e prepara-lo terreo para a primavera, pero antes, tivemos que apañar os nabos que xa sementaramos con anterioridade.

Unha vez colocado o invernadoiro, coa axuda de papás e mamás, agora a seguinte tarefa é colocar os bancais e cava-la terra, co que pouco a pouco se foi realizando coa axuda dos nosos peculiares agricultores.

Semana da paz

Aproveitando que este ano se está a desenvolver un proxecto relacionado cos Superheroes, escollimos esta temática de fondo na semana relacionada coa Paz, e, decidimos pensar en aspectos positivos e negativos que nos suxira no día a día. Este é o resultado á entrada do cole.

De visita ao Museo Provincial e mailo Auditorio de Lugo

O pasado 25 de xaneiro tivemos a oportunidade de acudir ao Auditorio Gustavo Freire en Lugo para ver un espectáculo titulado "Burbujas de Papel" e posteriormente acudimos ao Museo Provincial de Lugo onde puidemos desfrutar duns talleres relacionados coa Prehistoria.
Pasámolo xenial e estamos desexando volver en canto teñamos a oportunidade!!

DIA INTERNACIONAL CONTRA A VIOLENCIA DE XÉNERO

O pasado venres 23 de novembro, se fixo unha escenificación do que supón o "mirar para outro lado" na violencia de xénero, diferentes representacións nas que entre todo o cole se pretendeu condenar rotundamente este tipo de comportamentos e, por suposto, concienciar dende as idades máis temperás este tipo de barbaries e abusos.
Agardamos que este tipo de leccións que se estiveron levando a cabo teñan un oco permanente nos corazóns dos cativ@s!!!!

Dende o colexio, rexeitamos con tódalas nosas forzas este tipo de conductas que se están a producir a diario!!!

UN LAVADO DE CARA

Así vai quedando a reubicación de espazos e recantos dentro da nosa biblio, a parte decorativa está tamén en proceso, pero a verdade é que xa vai collendo un pouco máis de cor.

Agardamos que vos guste! Nova distribución dos ordenadores, mercouse unha tablet a maiores para favorecer un maior acceso a equipos informáticos, distribución de espazos comúns, adquisición de novo mobiliario e cadeiras, así como reposición de novos fondos...

HORTO ESCOLAR (PARTE II)

Como ben sabedes, durante este ano temos previsto seguir avanzando no proxecto que se iniciou durante o pasado curso, e como segunda parte propuxémonos montar un invernadoiro escolar, así que coa axuda dalgúns papás e mamás, e, por suposto dos nos@s superheroes, estivemos a montar a base do que será o invernadoiro.

Previamente puidemos facernos unha idea todos xuntos da súa montaxe, e posteriormente pasamos á parte práctica.

Grazas ao papás que nos axudaron!, e, por suposto con esta axuda xa non vos conto como pode quedar unha vez poidamos cubrilo, seguiremos informando!!